शैक्षणिक उपक्रम

शिशुवाटिका, पंच विषय, आचार्य प्रशिक्षण, संस्कृती बोध, क्रीडा व बालिका शिक्षण — हे देवगिरीतील शाळांचे नित्य कार्य आहे.

स्वस्थ देह हा विद्या व संस्काराचा आधार. सूर्यनमस्कार, व्यायाम, कबड्डी, खो-खो व मैदानी खेळ देवगिरीतील शाळांच्या दिनचर्येत आहेत.

योग हा केवळ आसन नाही; तो एकाग्रता, श्वसन व अंतर्मुखतेचा अभ्यास आहे. आंतरराष्ट्रीय योग दिन शाळांमध्ये नियमित पाळला जातो.

वंदना, राष्ट्रगीत, भक्तीगीते व चळवळीची गीते मनावर संस्कार करतात. प्रत्येक वर्गासाठी संगीताचे नियमित तास असावेत, असा विद्या भारतीचा आग्रह आहे.

संस्कृत ही केवळ भाषा नसून भारतीय ज्ञानपरंपरेची कळी आहे. श्लोकपठण व सुभाषिते देवगिरीतील शिशुवाटिकेपासून सुरू होतात.

सत्य, अहिंसा, सेवा, मातृपितृभक्ती व राष्ट्रभावना ही मूल्ये पाठ्यपुस्तकाबाहेरही जगली पाहिजेत. दैनंदिन वंदना हा त्याचा आरंभ आहे.

कार्याचे आयाम

संस्कृती ज्ञान परीक्षा, आचार्य परीक्षा, प्रश्नमंच व निबंध.

पूर्व प्राथमिक — खेळ, गीत, गोष्ट व इंद्रियविकास.

मानक परिषद व शाळांच्या प्रगतीचे मूल्यमापन.

प्रांत ते अखिल भारतीय स्पर्धा.

मुलींच्या शाळा, सुरक्षितता व आचार्य प्रशिक्षण.

भारतीय गणितपद्धतीचा वर्ग व मेळा.

ग्रामीण, आदिवासी व सेवावस्तीतील शिक्षण.

पालकांशी संवाद; मातृभाषेचे महत्त्व.