विद्या भारती देवगिरी प्रांत शिक्षा संस्थानाने परभणी शाखेच्या वतीने राजे संभाजी गुरुकुल, गंगाखेड रोड येथे दहा दिवसीय शिशुवाटिका आचार्य प्रांत प्रशिक्षण वर्ग आयोजित केला. कार्यक्रमाची सुरुवात मान्यवरांच्या हस्ते दीपप्रज्वलन व प्रतिमापूजनाने झाली.
प्रांत उपाध्यक्ष श्री. प्रकाश पोतदार यांनी प्रास्ताविकात राष्ट्रउभारणीत शिक्षणाचे स्थान अधोरेखित केले. ‘‘सा विद्या या विमुक्तये’’ हे ब्रीद घेऊन विद्या भारती बालकाच्या सर्वांगीण विकासासाठी कार्य करते, असे त्यांनी सांगितले. अध्यक्षस्थानी प्रांत अध्यक्ष डॉ. विवेक काटदरे होते. प्रांत संघटन मंत्री श्री. शैलेश जोशी यांनी शिक्षार्थी आचार्यांना मार्गदर्शन केले.
विद्या भारतीच्या वतीने दहा दिवसीय शिशुवाटिका आचार्य प्रशिक्षण वर्ग २००२ पासून नियमित आयोजित केला जातो. याच कालावधीत वैदिक गणित व कार्यकर्ता प्रशिक्षणही समाविष्ट करण्यात आले होते.
वर्ग यशस्वी करण्यासाठी परभणीचे जिल्हाध्यक्ष श्री. सुभाष चलवदे, जिल्हा मंत्री श्री. शिरीष संघई तसेच श्री. प्रताप देशपांडे, श्री. शिवाजी आरळकर, श्री. अभय हट्टेकर, श्री. चंद्रशेखर कुलकर्णी, श्री. विकास येस्के, श्री. संतोष चिद्रवार, श्री. प्रशांत डाफणे, श्री. गणेश लोखंडे व सौ. अभिलाषा संघई आदी कार्यकर्त्यांनी परिश्रम घेतले, अशी नोंद स्थानिक वृत्तात आहे.
संदर्भ: लोक संचार, परभणी
